Historia da nossa fatschenta

Hubert Caduff da Cumbel en Val Lumnezia vegn d’ina famiglia da pasterners. Gia siu tat e siu bab havevan ina pasternaria-conditoria.

Las pli impurtontas datas:

Igl onn 1981 surpren Hubert Caduff, che ha gest finiu siu emprendissadi sco pasterner-conditor, la pasternaria da siu bab.

1991, suenter 10 onns pren el la caschun e surpren da Walter Leutenegger la pasternaria «Porta sura» sper la casa cumin a Glion. Fatg paun e habitau vegn uss a Strada, ca. 1 km ordeifer Glion.

Igl onn 1997 fa la fatschenta cun la midada dalla stizun dil marcau vegl ella Via Centrala 4 (Casa GKB) in grond progress.

Aschia san ins entscheiver 2001 cugl engrondiment dils locals da producziun memia pigns a Strada. Enstagl sin 80 m² vegn ussa produciu sin 160 m². Supplementarmein datti 80 m² tschaler/garascha el plaunterren ed ina garascha per 2 autos da furniziun.

Il december 2006 eis ei finalmein finiu cun runar sacs da 50 kg. Hubert Caduff selubescha suenter 25 onns activitad commerciala in silo da frina. Dil plaunterren vegnan las treis sorts frina ch’ins drova il pli savens ussa directamein ellas maschinas da pasta.

Il mument gudognan 18 collaboraturs dalla regiun lur «paun da mintgadi» tier nus. Da quels ein 6 en plazza cumpleina, 11 en plazza parziala ed 1 emprendist.

Igl onn 2011 ei la firma singula Hubert Caduff vegnida midada entuorn en ina societad d’aczias. Il niev num ei: Caduff Pasternaria-conditoria SA.

La famiglia da pasterners

Hubert vid far paunAdelina en biro

Hubert vid far paun
Adelina en biro